Megapolisnews.kz Ақпараттық сайт
Түркістан облысының спортшылары ҚР чемпионаттарында жалпы 839 медальға (273 алтын, 274 күміс және 292 қола) қол жеткізсе, Азия чемпионаттарында 139 медаль (68 алтын, 44 күміс және 27 қола) иеленген.
Ал, әлем чемпионаттарында жалпы 72 медаль (31 алтын, 20 күміс және 21 қола) жеңіп алды. Жалпы өңір спортшылары барлық чемпионаттарда 372 алтын медальға ие болған.
Өткен жылы облыста 13 халықаралық дәрежедегі спорт шебері, 39 спорт шебері, 180 спорт шеберіне үміткер даярланды. Түркістан облысынан Олимпиада ойындарына қатысу үшін лицензиялық жарыстарға 17 спортшы қатысады.
Айта кетерлігі, өңірімізде 67 мемлекеттік меншіктегі спорт мекемелері мен кәсіпорындары бар. Сондай-ақ, ағымдағы жылы облыста 4413 спорт нысаны тіркеліп, бұл көрсеткіш 2018 жылмен салыстырғанда 149 нысанға артқан.
Бұқаралық спортты дамыту мақсатында өткен жылы облыс аумағында 4776 шара өтіп, оған 609 мыңнан астам адам қамтылды. Жыл қорытындысы бойынша облыста дене шынықтыру және спортпен тұрақты түрде шұғылданушылар саны 618361 адамға жетіп, облыстағы барлық жастағы халықтың спортпен қамтылуы 30,7%-ды құрады.
ҚР Үкіметінің «Түркістан облысын әлеуметтік-экономикалық дамытудың 2024 жылға дейінгі кешенді жоспарын бекіту туралы» №938 қаулысына сәйкес 2020 жылы – 2, 2021 жылы 6 спорттық нысан ел игілігіне пайдалануға беріледі.
Түркістан облысының өңірлік коммуникациялар қызметі.