Қасиетті Рамазан айының ізгілік пен мейірімге толы рухын кеңінен насихаттау мақсатында 2026 жылдың 26 ақпан күні М.Әуезов атындағы Оңтүстік Қазақстан университетінің «Өсімдік шаруашылығы және мал шаруашылығы» кафедрасының профессор-оқытушылар құрамы қайырымдылық іс-шарасын ұйымдастырды.
Аталған бастама аясында «Қиын өмірлік жағдайдағы балаларға қолдау көрсету орталығына» қаржылай көмек көрсетіліп, тағдыр тауқыметін тартқан балаларға жан-жақты қолдау білдірілді. Игі шараның басты мақсаты – қоғамдағы әлеуметтік жауапкершілікті арттыру, қайырымдылық мәдениетін қалыптастыру және көмекке мұқтаж жандарға қол ұшын созу болып табылады.
Рамазан айы – сабыр мен шүкіршіліктің, жанашырлық пен қамқорлықтың айы. Осы орайда кафедра ұжымы тарапынан жүзеге асқан бұл игі іс – адамгершілік құндылықтарды дәріптеудің, бірлік пен ынтымақты нығайтудың жарқын көрінісі.
Мұндай қайырымдылық шаралары алдағы уақытта да өз жалғасын тауып, қоғам игілігіне бағытталған нақты істермен толыға бермек.
