12 сәуір — адамзат тарихындағы ерекше күн. Бұл дата ғарышты игеру жолындағы алғашқы батыл қадамды еске салып, ғылым мен технологияның шексіз мүмкіндіктерін паш етеді. Аталған күн бүкіл әлемде Халықаралық авиация және ғарышкерлер күні ретінде аталып өтеді.

Бұл мерекенің негізі Юрий Гагариннің ғарышқа алғашқы ұшуы күнімен тікелей байланысты. Дәл осы күні адам баласы алғаш рет ғарышқа сапар шегіп, жаңа дәуірдің есігін ашты.Қазақстан үшін бұл күннің маңызы айрықша. Өйткені адамзаттың ғарышқа жолы Байқоңыр ғарыш айлағы арқылы бастау алды. Бүгінде бұл нысан әлемдегі ең ірі әрі тарихи маңызы зор ғарыш айлақтарының бірі саналады.

Тәуелсіз Қазақстанның да ғарыш саласында өз орны бар. Қазақ елінің атын әлемге танытқан ғарышкерлер — Тоқтар Әубәкіров, Талғат Мұсабаев және Айдын Айымбетов — ел мақтанышы. Олар көк аспанда көк Туымызды желбіретіп, Қазақстанның абыройын асқақтатты.

Бұл күн — тек өткен жетістіктерді еске алу ғана емес, сонымен қатар болашаққа деген сенімнің символы. Ғарыш саласы жастарды ғылымға, білімге және жаңашылдыққа ұмтылуға шақырады.

Халықаралық авиация және ғарышкерлер күні — биік армандар мен үлкен мақсаттарға жетуге шабыт беретін ерекше мереке. Ғарышты бағындыру жолындағы әрбір қадам — адамзаттың ортақ жетістігі.