Бүгін Шымкент қаласында өтіп жатқан Құрылтай депутаттарын сайлау күні сайлау учаскелерінде ерекше мерекелік көңіл күй қалыптасты. Қаланың өзіндік символына айналған «Шымкент қызғалдағы» бейнесіндегі еңселі қуыршақ пен қазақ ертегілерінің кейіпкерлері Түркістан сарайында орналасқан №231 сайлау учаскесіне келген тұрғындарды ерекше ықыласпен қарсы алды.

Ұлттық нақыштағы образдар сайлау учаскесіне келген азаматтарға көтеріңкі көңіл күй сыйлап, маңызды саяси науқанның мазмұнын айшықтай түсті. Ертегі кейіпкерлері тұрғындармен жүздесіп, сайлаушыларды жылы шыраймен қарсы алып, айтулы күннің есте қаларлықтай өтуіне үлес қосты.

Сайлау учаскесіне таңғы уақыттан бастап алғашқы сайлаушылар келе бастады. Азаматтар белгіленген тәртіппен тіркеуден өтіп, бюллетеньдерін алып, дауыс беру кабиналарына барып, өз таңдауларын жасады. Алғашқы сайлаушылардың белсенділігі тұрғындардың қоғамдық-саяси үдеріске қызығушылығы жоғары екенін көрсетті.

Сайлау – азаматтардың ел болашағына қатысты өз ұстанымын білдіретін маңызды қоғамдық-саяси іс-шара. Осыған байланысты әрбір сайлаушының дауыс беру құқығын пайдаланып, өз таңдауын жасауы маңызды. Шымкент тұрғындары да сайлау учаскелеріне келіп, азаматтық белсенділігін танытуда.

Сайлау учаскесіндегі ерекше безендіру мен ертегі кейіпкерлерінің қатысуы балалар мен тұрғындардың да назарын аударды. Бұл бастама сайлау күнінің қоғамдық маңызын сақтай отырып, қала тұрғындарына жағымды эмоция сыйлауға бағытталған.

«Шымкент қызғалдағы» бейнесі қаланың табиғи әрі мәдени ерекшелігін танытатын символдардың бірі ретінде тұрғындарға жақсы таныс. Оның сайлау учаскесінде сайлаушыларды қарсы алуы айтулы күнге ерекше сипат берді.

Бүгінгі сайлау – әр азаматтың ел келешегіне деген жауапкершілігін танытатын маңызды күн. Әрбір азаматтың таңдауы қоғамдық дамуға өзіндік үлесін қосады. Сондықтан шымкенттіктер сайлау учаскелеріне келіп, өздерінің конституциялық құқықтарын белсенді түрде жүзеге асыруда.