Megapolisnews.kz Ақпараттық сайт
Бүгін қала әкімдігінің ақпараттық-коммуникациялық орталығында ҚР Экология, геология және табиғи ресурстар министрлігі Экологиялық реттеу және бақылау комитеті Шымкент қаласы бойынша экология департаментінің 2019 жылы атқарған жұмыс нәтижелері бойынша баспасөз брифингі өтті.
Брифинг барысында спикер, қалалық экология департаментінің басшысы Оразғали Егембердиев департаменттің негізгі қызметі мен экологиялық бақылау саласында атқарылған жұмыстарды кеңінен түсіндірді.
Есепті жылы, жалпы 68 тексеру жүргізілді, оның ішінде 48 арыз-шағымдар негізінде болса, 12 профилактикалық, 8 біліктілік талаптарын тексеру жүргізілген.
Заңбұзушылықтарды жою жөнінде 158 нұсқама беріліп, оның 129 орындалған. Жалпы сомасы 3,13 млн теңгені құрайтын 73 әкімшілік айыппұл салынып, 62 айыппұл бойынша 2,38 млн теңге өндірілген.