Шымкент қалалық туризм басқармасы гид-экскурсоводтары мен туризм саласында білім алатын жас студенттерге арналған оқыту сабақтарын өткізді.
Шеберлік-сағатын белгілі тарихшылар мен кәсіби гид-экскурсоводтар жүргізді.
Туристік шеберлік-сағаттың мақсаты – туристік индустрия жұмысының жеке, топтық немесе корпоративтік тиімділігін арттыру. Студенттер арасында болашақта туризм бағытын таңдауға мүмкіндік беретін кәсіби бағдар беру жұмыстарын жүргізу, сондай-ақ студенттерді гид-экскурсовод жұмысының дағдыларына үйрету.
Сабақ барысында «Цитадель» жобасы», «Абай және аль-Фараби тарихы» және «Кәсіби тілдесудің мәдениеті» тақырыптары қамтылды.
Аталған іс-шараға «Мирас» университеті мен «Мирас» колледжінің Туризм кафедрасының студенттері, сондай-ақ қалалық мұражайлардың гид-экскурсоводтары мен волонтерлар лигасының еріктілері қатысты.
50-ден астам қатысушы кәсіби мамандардан шеберлік-сағаты барысында керекті ақпарат ала алды.