Megapolisnews.kz Ақпараттық сайт
Бүгін Шымкент қаласында қала әкімі Мұрат Әйтеновтың қолдауымен «Көрпе Fest» мегафестивалінің ашылуы өтті.
Мегафестивальдың ашылуында Шымкент қаласы әкімінің орынбасары Алмасбек Мамытбеков сөз сөйлеп, тренингке қатысушы қыз-келіншектерге сәттілік тіледі. «Алтын Орда» авторлық дизайн үйінің негізін қалаушы, әрі оның қазіргі жетекшісі Ырза Тұрсынзада жүрекжарды тілегімен бөлісіп, Шымкент қаласының әкімі Мұрат Әйтеновке алғысын жеткізді.
«Көрме» орталығында ұйымдастырылған шараға көп балалы аналар және тігін тігіп, өз кәсіпкерлігін бастауға ниет білдірген 200-ден астам қыз-келіншек қатысуда. Олар 6-наурызға дейін көрпе, құрақ құрау және өзге де қолөнер бұйымдарын жасаудың қыр-сырын үйренеді.
Ақысыз шеберлік сағаттарын «Алтын сапа» премиясының жеңімпазы, «Құрмет» орденінің иегері, Республикалық ақпараттық ағарту үгіт-насихат штабының төрайымы Ырза Тұрсынзада өткізеді.
Фестиваль «Аманат» әлеуметтік бағдарламасын жүзеге асыру мақсатында ұйымдастырылып отыр.