Megapolisnews.kz Ақпараттық сайт
Шымкент қаласы бойынша 13 санитарлық бекетте медицина мамандары тәулік бойы кезекшілікте тұр.
Қалаға кірген көліктер тоқтатылып, дәрігерлер жүргізушіден бастап жолаушылардың дене қызуын өлшейді. Бұл үшін қаланың кіретін жолдарындағы блок-бекеттерге 13 жедел медициналық жәрдем бригадасы (13 санитарлық автокөлік, 13 фельдшер, 13 жүргізуші), 45 орта медициналық қызметкер (фельдшер, медбике) жұмылдырылған.
Блок-бекеттердегі медициналық пункттер сымсыз термометрлермен толық қамтамасыз етілген. Санитарлық бекеттер талапқа сай жұмыс істеуде.
Айта кетейік, медицина мамандары 8 сағаттан сайын ауысып, үш ауысымда жұмыс істейді.