Megapolisnews.kz Ақпараттық сайт
«NUR OTAN» партиясының белсенділері Шымкент қаласындағы жердемге мұқтаж 1000-нан астам отбасыға көмек көрсетті. Бүгін Шымкент қаласы Ақпараттық коммуникациялық орталығында «Nur Otan» партиясы Шымкент қаласы филиалы төрағасының бірінші орынбасары Бахадыр Нарымбетов және «Birgemiz -Shymkent» қоғамдық қорының директоры Тасқынбай Бүрлібаев «Біз біргеміз!» Республикалық акциясы аясында коронавирусқа қарсы күресті күшейту, тұрғындарға көмектесу мақсатында атқарылып жатқан жұмыстар мен жоспарлар жайында баспасөз-конференциясын өткізді.
Елбасы, «Nur Оtan» партиясы Төрағасы Н.Ә.Назарбаевтың 2020 жылғы 20 наурыздағы Үндеуіне орай елімізде «Біз біргеміз!» республикалық акциясы бастау алған. Елбасы Үндеуіне алғашқы болып қолдау білдірген Шымкенттік партия белсенділері «Береке» корпорациясының негізін қалаушы Рәшкүл Оспанәлиева, «Банұр-1» ЖШС бас директоры Нұрпейіс Анарбеков, «Арт Құрылыс» ЖШС директоры Әнуар Төлендиев, «Бал Текстиль» ЖШС директоры Талғат Исхахов әрқайсысы «Шымкент қайырымды қала» қорына 5 млн.тенгеден аударды.
— 20 наурыздан бастап «Nur Оtan» партиясы белсенділері, «Jas Otan» жастар қанатының жастары мен еріктілер жұмылдырылып, жәрдемге аса мұқтаж отбасыларға сақтану шараларын ұстана отырып, «контактсыз» тәсілмен санитарлық қорғану жиынтықтары және бірінші кезекте қажетті өнімдер мен азық-түлік тапсырды. Көмекке мұқтаж отбасылардың тізімі Қалалық жұмыспен қамту және әлеуметтік бағдарламалар ұсынған «Ізгілікте жарысайық» және «Мейірім» қайырымдылық қорларынан алынған. Бүгінгі таңда қаладағы жәрдемге аса мұқтаж 1000-нан астам отбасыға қажетті тауарлармен көмек көрсетілді, — деді Бахадыр Нарымбетов баспасөз брифингінде.
Елбасы, «Nur Otan» партиясының Төрағасы Н.Ә.Назарбаевтың бастамасымен елімізде «Birgemiz» қоғамдық қоры ашылды. Қор азаматтарға, оның ішінде COVID-19 короновирустан зардап шеккендерге атаулы және әлеуметтік қолдау көрсету, осының шеңберінде ұйымдастыру-практикалық іс-шаралар өткізу мақсатында құрылып, республикалық және аймақтық деңгейде жұмыс жүргізеді.
Коронавирустық инфекцияның таралуына қарсы тұруға бағытталған елде карантиндік шаралардың күшеюіне байланысты, 2020 жылдың 1 сәуірінен бастап «Nur Otan» партиясы мен «Jas Otan» еріктілері мұқтаж адамдарға қажетті тауарларды контактісіз жеткізуді уақытша тоқтатты. Бұл шешім инфекцияның бүкіл Қазақстан бойынша таралуына байланысты, тұрғындардың да, еріктілердің де денсаулығына қауіп төндірмеу үшін қабылданды.
Сонымен қатар, халықтың аз қамтамассыз етілген топтарын қолдау мақсатында аудан әкімдіктері жұмыспен қамту және әлеуметтік бағдарламалар бөлімімен және қайырымдылық қорларымен бірлесіп, аса көмекке мұқтаж отбасылардың тұрмыс жағдайына мониторинг жүргізуде. Бүгінгі таңда 21864 азамат тізімге енгізілген.
Қауіпсіздік шараларын күшейту мақсатында бұдан былай азық-түлік берілмейді. Көмек тізім бойынша есеп-шотқа ақша аударумен шектеледі.
Қосымша сұрақтар бойынша байланыс орталықтарына хабарласуға болады
Қосымша ақпарат:
Шымкент қаласы қайырымдылық шараларымен қамту бойынша колл-орталықтар:
+7 778 171 00 27; +7 778 171 00 28: +7 778 471 10 45 – Абай ауданы
+7 778 171 00 37; +7 778 171 00 47; +7 778 471 10 29 – Еңбекші ауданы
+7 778 171 00 56; +7 778 171 00 51; +7 778 471 10 57 – Әл-Фараби ауданы
+7 778 171 00 76; +7 778 171 00 26; +7 778 471 10 49 – Қаратау ауданы
Қоңырау қабылдау уақыт: 09:00 – 18:00.