Megapolisnews.kz Ақпараттық сайт
Шымкент қаласында «COVID-19» инфекциясын жұқтырған тағы бір жағдай анықталды. 15.04.2020 жылғы сағат 00:00-дегі мәлімет бойынша қалада індетке шалдыққандар саны 40 қа жетіп отыр.
Соңғы ауру жұқтырған азаматша 1997 жылғы Шымкент қаласының тұрғыны болып шықты. Ол коронавирустық инфекция жұқтырған адаммен қарым-қатынаста болуына байланысты карантиндік стационарға жатқызылып, одан зертханалық сынама алынған. Өкінішке орай, диагностикалық зерттеу қорытындысынан COVID-19 диагнозы нақтыланды.
Дәрігерлердің айтуынша, қазіргі таңда науқастың жағдайы қанағаттанарлық. Бекітілген хаттамаға сәйкес тиісті ем жүргізілуде.
Сондай-ақ, науқаспен қарым-қатынаста болған адамдар анықталып, барлығы медициналық бақылауға алынуда.
Ауру ошақтарында эпидэмиологиялық зерттеу жұмыстары, дезинфекциялық жұмыстар жүргізілуде.