Megapolisnews.kz Ақпараттық сайт
ҚАЗЫБАЕВ Абылай, ҰОС ардагері
Абылай Қазыбаев, Оңтүстік Қазақстан облысының Қайнарбұлақ ауылында 1925 жылдың 1 шілдесінде дүниеге келген. 1943 жылы әскер қатарына алынып, Ташкент қаласында әскери дайындықтан өтті.
219-шы дивизияның 2-ші гвардиялық полкі құрамында Харьков, Ворошилов қалалары түбіндегі ұрыстарға қатысты. 4-Украин, 3-ші Белорус майдандарына қатысып, Севастополь қаласын, Латвия, Литваны азат етіп, Кенигсберг арқылы Берлинге дейін барып қайтты. Жеңістен соң 1946-1950 жылдары Пушкин, Ленинград, Москва және басқа да қалаларды минадан тазартты. 1950 жылы елге оралып, Шымкент қаласындағы СМУ-4, Қорғасын зауытында, ТЭЦ-2 кәсіпорындарында жұмыс істеді.
Соғыс кезінде «Қызыл Жұлдыз», ІІ дәрежелі «Отан соғысы», кейін «Еңбек Қызыл Ту» ордендерімен, «Жауынгерлік қызметі үшін» және басқа көптеген медальдармен марапатталды.